Երեխային կարելի է ուրախացնել «բանջարեղենային ասորտիի» միջոցով: Սա նշանակում է, որ վերցնում ենք միանգամից երեք բանջարատեսակ՝ ծաղկակաղամբ, դդմիկ, գազար, և ստանում հիանալի ուտեստ: Ստացվող խյուսն արդյունավետ է հատկապես մարսողական համակարգի համար, նպաստում է աղիների աշխատանքի լավացմանը: Այնպես որ եկեք առանձնացնենք՝
◾ 2 փունջ ծաղկակաղամբ
◾1 հատ դդմիկ
◾ 2 փոքր գազար
◾Մեկ թեյի գդալ ձիթապտղի ձեթ
Ի՞նչ անել
Բանջարեղենն առաջին հերթին լվանում ենք, մաքրում ու կտրատում: Պատրաստումը հեշտ կլինի, քանի որ երեքն էլ տեղավորելու ենք նույն կաթսայում: Խաշում ենք ընդհանուր 15-20 րոպե: Եփված բաղադրիչներին վերջում ավելացնում ենք ձիթապտղի ձեթը և հարում: Կարող ենք մատուցել կերակուրը:
Բարի ախորժակ