Սովորում ենք հանելուկներ

Հանելուկներ

Չվող թռչուն, 

Երկարաոտ, 

Բույն է դնում 

Լճի մոտ:

 

 (Արագիլ)

 

***

 

Գլխարկը կապույտ, 

Շապիկը կանաչ, 

Մի փոքրիկ ծաղիկ, 

Ամենքիս ճանաչ:

 

(Մանուշակ)

 

***

 

Ձյան սպիտակ օրորոցից, 

Ինչպես մանուկ իր մոր ծոցից 

Որ ծաղիկն է մեզ հյուր գալիս, 

Գարնան գալը իմաց տալիս:

 

(Ձնծաղիկ)

 

 

***

 

Մանուկն եկավ՝ պայծառ, անգին, 

Կանաչ շորեր ունի հագին, 

Թողեց հետքեր նա ամենուր, 

Ծաղկով լցրեց դաշտն ու այգին:

 

(Գարուն)

 

 

***

 

Դաշտի զարդն է, 

Գույնը՝ ալ, 

Ամեն այտին՝ 

Մի սև խալ:

 

(Կակաչ)