Օգնում է նա տատիկներին, երբ դիմում են ասեղ-թելին. հանելուկներ 5-10 տարեկան երեխաների համար   

Հանելուկներ

Մարդուն մոտիկ ու մտերիմ՝

Կենդանի է հավատարիմ,

Հսկում է նա փողոց ու բակ,

Չի ընդունում ոչ մի կաշառք:

                                        /Շուն/

***

Ժայռի տակից դուրս կգամ,

Շրջապատիս կյանք կտամ

Ու, երգելով մեղմօրոր,

Վերից կիջնեմ դեպի ձոր:

                                 /Աղբյուր/

***

Իմ խելամիտ, ժիր բարեկամ,

Ի՞նչ կանվանես արդյոք նրան,

Օգնում է նա տատիկներին,

Երբ դիմում են ասեղ-թելին:

                                    /Ակնոց/

***

Մեզ հետ բնավ չի խոսում,

Բայց իր կամքն է մեզ ասում,

Նա է գործի դնում մեզ՝

Անունն ասա, թե գիտես:

                            /Ուղեղ/