Երեխայի համար խաղալիքի ընտրությունը հեշտ չէ. այն ոչ միայն գեղագիտական կամ դաստիարակչական, այլեւ անվտանգության տեսաnկյունից պետք է բավարարի մի շարք պահանջներi: 2011-2012 թվականերին ՀՀ էկոնոմիկայի նախարարության շուկայի վերահսկողության պետական տեսչությունը խաղալիքների տեխնիկական կանոնակարգերի եւ արտադրանքների պահանջների համապատասխանության պահպանման նկատմամբ իրականացրել է ստուգումներ, որոնք ներառել են նաեւ խաղալիքների անվտանգությանը վերաբերող պահանջները:
ՀՀ էկոնոմիկայի նախարարությունում ստեղծվել է աշխատանքային խումբ խաղալիքների անվտանգության ոլորտում ՀՀ օրենսդրությունը Եվրամիության օրենսդրությանը մոտարկման եւ համապատասխան իրավական ակտի մշակման համար:
«Հաշվի առնելով, որ հանրապետությունում խաղալիք արտադրող շատ քիչ կազմակերպություն կա, հիշյալ աշխատանքային խմբում ընդգրկվել է հանրապետությունում հիմնական խաղալիք արտադրող ընկերություններից մեկի տնօրենը»,- նշեց Խալիկյանը: Անդրադառնալով խաղալիքների արտադրության հիմնախնդիրներին եւ դրանց լուծման հեռանկարներին, Խալիկյանը նշեց, որ նախարարությունը կարեւորում է հիշյալ խնդիրներին համակարգային լուծում տալը եւ մշտապես աշխատանքներ են տանում ոլորտի զարգացման ուղղությամբ:
«Սպառողների իրավունքների պաշտպանություն» հասարակական կազմակերպությունը 2010 թվականին տեսչություն էր ներկայացրել «Ապրանքների ընդհանուր անվտանգության մասին» ՀՀ օրենքի նախագիծը:
«Նախագիծը հաստատման դեպքում հնարավորություն կտա ավելի լավ վերահսկել ոլորտը եւ իրատեսական առաջընթաց արձանագրել»,- «Արմենպրես»-ին ասաց «Սպառողների իրավունքների պաշտպանություն» հասարակական կազմակերպության նախագահ Լուսինե Յագուբյանը: Նրա կարծիքով հայաստանյան խաղալիքների շուկան ընդհանուր առմամբ անվտանգ է երեխաների առողջության եւ կյանքի համար, որպես ապացույց մատնանշելով այն, որ վերջին տարիներին անորակ խաղալիքների առաջացրած վնասի պատճառով հիվանդանոցներում երեխաներ չեն հայտնվել:
«Սպառողների իրավունքների պաշտպանություն» հասարակական կազմակերպության նախագահը հորդորեց ծնողներին խաղալիք չգնել փողոցային կրպակներից կամ գետնանցումներից, այլ բացառապես մասնագիտացված խանութներից եւ սուպերմարկետներից` բծախնդրորեն խուսափելով չինական արտադրանքից եւ նախապատվությունը տալով տեղական կամ արեւմտյան որակյալ ապրանքատեսակներին:
Խաղալիք գնելիս մասնագտը խորհուրդ է տալիս անպայման ուշադրություն դարձնել վերոնշյալ կետերին եւ պահանջել վաճառողից խաղալիքի սերտիֆիկատը: Հայաաստանյան խաղալիքների շուկայում կան տարիներ շարունակ գործող ընկերություններ, որոնց արտադրությունը կազմակերպվում է նորագույն սարքավորումներով, ժամանակակից տեխնոլոգիաների եւ որակապես բարձր հումքի հիման վրա: Հումքը բացառապես մաքուր նյութեր են` ստեղծված հատուկ խաղալիքների արտադրության համար, որոնց որակը համապատասխանում է միջազգային չափանիշներին: Գաղտնի չէ, որ բնական հումք ունեցող ցանկացած արտադրանք, այդ թվում խաղալիները, հաճախ մատչելի չեն բոլորի համար, սակայն երեխային որակյալ խաղալիք գնելը այն դեպքն է, երբ «թանկից էժանը չկա » կարգախոսը ավելի քան տեղին է: Բնական հումքից` մասնավորապես փայտից խաղալիքների գինը շուկայում սկսվում է նվազագույնը 20.000 դրամից հասնելով` 100.000 եւ ավելի դրամի:
Հայաստանում խաղալիքները, համաձայն գործող տեխնիկական կանոնակարգի, ենթակա են պարտադիր սերտիֆիկացման, սակայն եթե կոնկրետ խմբաքանակը ներմուծման պահին չի սերտիֆիկացվում, իրացումը կատարվում է առանց վերահսկողության, այսինքն ներմուծողը ինքնակամ չի սերտիֆիկացնում ապրանքը: Մանկական խաղալիքներին ամբողջ աշխարհում, ինչպես եւ Հայաստանում, ներկայացվում են հետեւյալ հիմնական պահանջները` հումքային անվտանգություն եւ արտաքին ձեւավորման համար օգտագործվող ծածկույթներ, որոնք չպետք է պարունակեն թունավոր եւ ալերգիկ տարրեր, արտահայտված հոտի եւ գունային կտրուկ հարաբերություններ բացակայություն, որոնք կարող են ազդել երեխայի հոգեկանի, ինչպես նաեւ ձեւավորվող ճաշակի վրա, էլեկտրական խաղալիքների դեպքում էլեկտրամագնիսական դաշտի լարվածությունը չպետք է գերազանցի թույլատրելի մակարդակը` 24վ գերազանցող լարումը: