Մանկավաճառ բժշկուհուն կառաջարկեն փոխել աշխատանքի բնույթը

Լուրեր

Առողջապահության նախարարությունը մանկավաճառ բժշկուհի Նաիրա Բալայանին առաջարկելու է փոխել աշխատանքի բնույթը:

Այս մասին «Արմենպրես»-ին տեղեկացրեց Առողջապահության նախարարի մամուլի քարտուղար Շուշան Հունանյանը:

Առողջապահության նախարարությունը մանկավաճառ բժշկուհի Նաիրա Բալայանին առաջարկելու է փոխել աշխատանքի բնույթը:

Այս մասին «Արմենպրես»-ին տեղեկացրեց Առողջապահության նախարարի մամուլի քարտուղար Շուշան Հունանյանը:

Նրա խոսքով` բժշկին այնպիսի աշխատանք կառաջարկվի, որ վերջինս գործ չունենա երեխաների հետ եւ հնարավորություն չունենա  կրկնել սխալը:

Նշենք, որ մարտի 19-ին «Ոչ երեխաների վաճառքին» քաղաքացիական նախաձեռնությունը  նամակով դիմել էր Առողջապահության նախարար Հարություն Քուշկյանին: Նամակում մասնավորապես նշված է.

«Հարգելի՛ պարոն Քուշկյան,

Մոտ 3 ամիս առաջ մենք բաց նամակով դիմել էինք Ձեզ` մեր զարմանքն ու զայրույթը հայտնելով առ այն, որ տխրահռչակ մանկավաճառ բժշկուհի Նաիրա Բալայանը շարունակում է աշխատել, չնայած Վճռաբեկ դատարանի` նրա մեղքը հաստատող վճռին: Հենց նույն օրը Առողջապահության նախարարությունից խոստացան, որ Քաղաքապետարանի հետ խնդիրը քննարկելուց հետո 3 օրվա ընթացքում որոշումը կհրապարակվի: Միայն մեկ ամիս անց Առողջապահության նախարարությունից մենք  նամակ  ստացանք, որ այս հարցը դեռ քննարկման փուլում է: Դրանից էլ ուղիղ երկու ամիս է անցել, բայց  որոշումն այդպես էլ չի հանրայնացվել:

Եվ քանի որ գինեկոլոգ Նաիրա Բալայանը շարունակում է աշխատել նույն բուժհաստատությունում` քաղաքապետարանի ենթակայության տակ գործող «Քանաքեռ-Զեյթուն» բժշկական կենտրոնում, իսկ Դուք լռում եք, մեզ մոտ կասկածներ են ծագում, որ իրավիճակը կոծկելու որոշակի շահագրգռվածություն կա:

Հուսով ենք, որ արդարությունն ի վերջո կհաղթի. դուք արժանվույնս «կգնահատեք» հանցագործ բժշկուհու արարքը և թույլ չեք տա նրան խաղալ այլ նորածինների ճակատագրի հետ ևս: Նման բժիշկների առկայությունը ստվերում է առողջապահության և, մասնավորապես, ծննդօգնության ոլորտը բարելավելու Ձեր եռանդուն ջանքերն ու խարխլում մարդկանց վստահությունը»:

Նամակի կրկնօրինակը ուղարկվել է նաև Երևանի քաղաքապետ Տարոն Մարգարյանին:

 

Գովազդ