Հայաստանում յոթ ընտանիքներից մեկն ունի անպտղության խնդիր

Հայաստանում յոթ ընտանիքներից մեկն ունի անպտղության խնդիր: Այս մասին այսօր` նոյեմբերի 20-ին, հրավիրված ասուլիսում ասաց Վերարարտադրողական առողջության հայկական ասոցացիայի նախագահ, բժշկական գիտությունների դոկտոր, գինեկոլոգ Էդուարդ Համբարձումյանը:

Նրա խոսքով, անպտղության վերաբերյալ  կա լավ  եւ,ոչ այնքան լավ նորություն: Լավն այն է, որ վերջին հինգ տարիների համամետ անպտղության տոկոսը նվազել է:  «Սրանինց 10 տարի առաջ 28 տոկոս էր անպտղությունը Հայաստանում, իսկ այսօր արդեն 16-18 տոկոս է: Ըստ մեր ասոցացիյաի ուսումնասիրության՝ Արցախում անպտղության տոկոսն ավելի մեծ է` 18 տոկոս: Սակայն այս թիվն ավելին է, քան զարգացած երկրներում: Եթե անպտղության տոկոսը 5 տոկոսից ավելի է դա արդեն դեմոգրաֆիական խնդիր է առաջացնում»,- մանրամասնեց Էդուարդ Համբարձումյանը:

Ասուլիսի մյուս բանախոսը ասոցիացիայի փոխնախագահ, բժշկական գիտությունների դոկտոր, գինեկոլոգ Կարինե Փոխունցը ասաց, որ անպտղությունն ունի իր պատճառները:

«Օրինակ՝ հեռավոր շրջաններում չկան անպտղության բուժման կենտրոններ: Հիմա միջոցներ են իրականացվում բժիշկների պատրաստման եւ կենտրոնների ստեղծման ուղղությամբ, այդ թվում եւ ԼՂՀ-ում: Ստեղծվել է նաեւ  հիմնադրամ՝ նման խնդիրներ ունեցող ընտանքիներին աջակցելու համար, քանի որ արհեստական բեղմնավորումը Հայաստանում միջինը 3.5  հազարից 5 հազար դոլար արժի: Դիմել ենք երկրի առաջին տիկնոջը: «Արագիլ» հիմնադրամը ստեղծվել է, սակայն դեռ նախապաատրստական աշխատանքեր են իրականացվում»,- ասաց Կարինե Փոխունցը:

News.am