ՀՀ-ում արձանագրվել է կարմրուկի լաբորատոր հաստատված 12 դեպք:
Բոլորը հոսպիտալացված են: Պացիենտների առողջական վիճակը մասնագետները գնահատում են միջին ծանրության:
Նշենք, որ կարմրուկը սուր վիրուսային, խիստ բարձր վարակելիությամբ հիվանդություն է: Բնորոշվում է ցանային երևույթներով (բծավոր ցանը սկսվում է դեմքից), չոր հազով, ջերմությամբ և այլն: Կարող են դիտվել ականջի բորբոքում, կոնյուկտիվիտ (եղջերաթաղանթի բորբոքում), փորլուծություն, արտադրություն քթից: Վարակը փոխանցվում է օդային ճանապարհով։
Կարմրուկի կանխարգելման լավագույն ու արդյունավետ միջոցը պատվաստումն է։ Պատվաստումների ազգային օրացույցի համաձայն` կարմրուկի դեմ պատվաստումները նախատեսված են 1 և 4-6 տարեկան երեխաների համար: Կարմրուկի դեմ պլանային պատվաստումները չստացած երեխաների ծնողները պետք է դիմեն հաշվառման պոլիկլինիկա ու իրականացնեն պատվաստվում: Միաժամանակ, պատվաստման են ենթակա կարմրուկով հիվանդերի հետ շփված այն անձինք, որոնք չունեն կարմրուկի դեմ երկու դեղաչափ պատվաստում:
Շեշտենք, որ միջոցառումներ են իրականացվում հիվանդների վարակի աղբյուրը հայտնաբերելու և վիրուսի հետագա տարածումը կանխարգելելու նպատակով:
Աղբյուրը՝ Առողջապահության նախարարության ֆեյսբուքյան էջ