Հղիությունը բնական ֆիզիոլոգիական վիճակ է: Այդ շրջանում կնոջ հետ տեղի են ունենում զարմանալի փոփոխություններ, փոխվում է նրա արտաքինը, մեծանում է որովայնը, հաստանում են ուսերը, դեմքը, լցվում են ոտքերը, ձեռքերը, սակայն դա բացարձակ չի նշանակում, որ հղի կինը կորցնում է իր հմայքը:
Կարևոր է, որ հղի կինը կրի այնպիսի հագուստ, որը հարմար կլինի ինչպես ապագա մայրիկի, այնպես էլ երեխայի համար: Հագուստն այնպիսին պետք է լինի, որ շեղի ուշադրությունը մեծ որովայնից դեպի դեմքը, ինչը շատ հղւների մոտ գեղեցկացած է և թարմացած:
Հղիի հագուստի համար անհրաժեշտ են բնական կտորներ, ազատ սիլուետներ, ուշադրություն գրավող օձիքներ, աքսեսուարներ և այլն:
Իհարկե յուրաքանչյուր կին անհատականություն է և հագուստի ընտրության ժամանակ պետք է հաշվի առնել սեփական կառուցվածքի առանձնահատկությունները:
Իսկ հղիության յուրաքանչյուր եռամսկայում կնոջ մարմինն ունի իր առանձնահատկությունները:
Հղիության առաջին եռամսյակ
Առաջին անգամ հղիացած կնոջ մարմինը կտարբերվի կրկնահղի կնոջ մարմնից, ծննդաբերած կնոջ որովայնը առավել նկատելի
Այդ պատճառով արդեն ծննդաբերած կանայք առաջին եռամսյակում կարող են կրել ազատ սիլուետի հագուստ, առանց գոտու: Այն դեպքում, երբ առաջնահղիները, առանց մարմնի տեսանելի փոփոխությունների (միայն կուրծքն է մեծանում), կարող են կրել իրենց սվորական հագուստը` զգեստներ (նույնիսկ գոտիով, կիսաշրջազգեստներ, ժակետներ, կիսատաբատներ, շապիկներ և այլն): Իհարկե անհարմար կլինի կրել ընդգծող ջինսեր, քանի որ օրվա վերջում հոգնածությունը իրեն կզգացնի և ցանկություն կառաջանա ազատել որովայնը: Կարելի է հագնել տաբատ, սակայն ազատ, վրայից իջնող բլուզով:
Բլուզները կարող են լինել տարբեր կտորներից, տարբեր գույներով և նախշերով:
Կոշկեղենը նույնպես հղիության առաջին շրջանում պետք է լինի կաշվից, հարմար, ոտքերը չսեղմող և առանց կրունկի:
Աքսեսուարներ
Հղի կնոջ հագուսոտւմ աքսեսուարներին շատ կարևոր դեր է հատկացվում. Հաճախ դրանք դառնում են շեղող, կոստյումին տալիս են փոփոխական տեսք, և մեծ ծախսեր չեն պահանջում: Յուրաքանչյուր կին ունի մի քանի բարակ շարֆեր, վզնոցներ, ուլունքներ կամ այլ զարդեր: Շատ օրիգինալ է միագույն մուգ հագուստի հետ ծավալուն ապարանջանների կրումը:
Շարունակելի
Գիրք ծննդոց. Հղիության և մայրության ուղեցույց, Ռ. Աբրահամյան, Գ. Ավագյան,