Քնի գրաֆիկ․ ի՞նչ անել, որ երեխան խոր քուն մտնի և հաճախ չարթնանա

Նյութի առաջին մասը կարդացեք այստեղ։

Փոքրիկի քնի վերաբերյալ «Իմ փոքրիկ»-ի հարցերին պատասխանել է մանկաբույժ Հասմիկ Վարդանյանը: 

 

Ինչպե՞ս ամուր դարձնել երեխայի քունը։

Իհարկե, քնի լավագույն տարբերակը համարվում է ինքնուրույն քունը, երբ մայրիկը պառկեցնում է երեխային իր անկողնում և դուրս գալիս սենյակից։ Հանգիստ, ամուր և լիարժեք քնի համար անհրաժեշտ է հետևել քնի հիգիենայի կանոններին.

- հարմարավետ անկողին (նորածինների դեպքում այն պետք է լինի առանց բարձ, առանց փափուկ խաղալիքների, օրթոպեդիկ ներքնակով)

- սենյակի օդի ջերմաստիճան` 18-20 C. սա ամենանպաստավոր ջերմաստիճանն է երեխայի քնի համար

- սենյակի օդի օպտիմալ խոնավություն՝ 45-60%

- թույլ լուսավորություն կամ ամբողջովին մութ սենյակ

- քնից առաջ հանգիստ, անաղմուկ պայմաններ

 

Ինչպիսի՞ն պետք է լինի փոքրիկի քնի ռեժիմը։

0-2 ամսականում, իհարկե, դժվար է խոսել ռեժիմի մասին, քանի որ դեռ չի ձևավորվել նրանց կենսաբանական ժամացույցը։ Երեխաներն օրվա գերակշիռ մասն անց են կացնում քնած։ Նրանց քունը կարող է տևել 20 րոպեից մինչև 4 ժամ։ Կյանքի առաջին 2 ամիսներին նրանք քնում են մինչև 20 ժամ և 2 ամսականում միանվագ կարող են արթուն մնալ առավելագույնը 75 րոպե։

 

Տարիք	Գիշերային քնի տևողություն	Ցերեկային քնի տևողություն
0-2 ամսական	7-10 ժ	8-9 ժ
2-4 ամս․	9-10 ժ	5-8 ժ
4-6 ամս․	10-12 ժ	4-5 ժ
6-12 ամս․	11-12 ժ	2.5-4 ժ
12-18 ամս․	11-12 ժ	2-3 ժ
1.5-2.5 տարեկան	11-12 ժ	1.5-2 ժ
3-4 տ․	10.5-11 ժ	0-1.5 ժ
5 տ․	10.5-11 ժ	-

 

Հեղինակ՝ Լուիզա Աբրահամյան