Բանաստեղծություններ մայրիկի մասին

բանաստեղծություններ

Առավոտը մայրիկի հետ

Առավոտվա լույսի շողը,

Վառ  արևն ու առավոտը

Ինձ է բերում իմ մայրիկը,

Երբ պարզելով նուրբ ձեռքերը,

Ինձ առնում է իր ջերմ գիրկը:

 

Մայրիկիս կողքին

 

Նրա կողքին ես ուժեղ եմ,

Նրա գրկում միշտ անվախ եմ,

Նրա սիրով ես պաշարված՝

Այս աշխարհում ես անպարտ եմ:

Նա իմ մայրն է, իմ գարունը,

Ինձ համար շա՜տ-շա՜տ սիրունը,

Որ ժպիտով իր ծաղկաբույր

Իմն է դարձնում ողջ աշխարհը: