Ինչու՞ է երեխաների համար այդքան կարևոր նախաճաշը

Լուրեր

Բրիտանացի գիտնականներն ապացուցել են, որ այն երեխաներն, ովքեր առավոտյան նախաճաշում են, ավելի առույգ են, հեշտ կողմնորոշվող ու ավելի լավ են սովորում դպրոցում, քան այն երեխաներն, ովքեր չեն նախաճաշում առավոտյան:

Այդ թվում՝ նախաճաշը պետք է լինի սննդարար, վիտամիններով հարուստ:

Մասնագետները հետազոտություն են կատարել և ուսումնասիրել են մինչև 11 տարեկան 5000 աշակերտի: Երեխաներն ասել են, թե ինչ են կերել նախաճաշին: Հետազոտության արդյունքում պարզվել է, որ երեխաների արագ կողմնորոշմանն ու առույգությանը նպաստում են լոբազգիները, հացը և կաթնամթերքը: Ի դեպ, երեխաների մեծ մասը նշել է, որ նախաճաշին ուտում է քաղցրավենիք, ինչն, ըստ մասնագետների, լավ չի ազդում երեխայի առողջության վրա:

Հետազոտության ղեկավար Հաննա Լիտլկոտը նշել է, որ սննդարար նախաճաշն օգնում է երեխային ավելի ուշադիր լինել դասերի ժամանակ և ըմբռնել ուսուցչի բացատրած նյութը: Մինչդեռ երեխաները շատ հաճախ դպրոց են գնում սոված և մինչև երկար դասամիջոցը նրանք տանջվում են այդ զգացումից ու չեն կարողանում կենտրոնանալ դասի վրա:

 

 

 

Գովազդ