Շուտով Հայաստանում առաջին անգամ գործելու է «Ավազով նկարչության կենտրոն SandPro»։ Այն լինելու է Ռուսաստանի համանուն կենտրոնի հայկական մասնաճյուղը։
Կենտրոնի տնօրեն Ինեսսա Միրզոյանը նշեց, որ իրենց այցելուների հետ աշխատելու են և նկարիչներ և հոգեբաններ, ովքեր նույնպես գիտեն նկարել։
Յուրաքանչյուր այցելու նախ անցնելու է խորհրդատվություն հոգեբանի մոտ և հեգեբանական թեստ։ Դրանից կախված` որոշվելու է, թե նա որ խումբ է գանլու։ Այդպիսով առանաձնցվելու են նաև խմբեր ըստ այցելուների բնավորության։ Սակայն լինելու է նաև տարիքային բաժանում։ Խմբում միասին աշխտելու են առավելագույնը 6 հոգի։ Տնօրենի խոսքերով՝ նկարչությունը զարգացնում է ոչ միայն մատների շարժողականությունը, այլև հիշողությունն ու երևակայությունը։
Կա հատուկ ծրագիր 1.5, 2 տարեկան և ավելի բարձր տարիքի երխաների համար։ Տնօրենի խոսքերով՝ փոքրերի հետ նկարչության դասերի միջոցով նրանք հնարավորություն կստանան ինքնարտահայտվելու,
Նախատեսվում են նաև դասընթացներ ոչ միայն ծնող + երեխա, որի ընթացքում նրանք միասին են նկարելու, այլև հղիների համար։ Տնօրենի խոսքերով՝ քանի որ հղիների մոտ միշտ նկատվում է որոշակի անհանգստություն, ապա ավազով նկարչությունը կարող 1 հանգստացնել նրանց նյարդային համակարգը։ Մայրը կկարողանա այդպիսով իր զգացողությունները փոխանցել երեխային։
Տնօրենը նշում է, որ կենտրոնի բացման միտքն իր մոտ առաջացել է իր երեխաների շնորհիվ, քանի որ չգիտեր, թե արձակուրդներին ինչով կարելի է նրանց զբաղեցնել։ Եվ երբ ծանոթացել է իր կենտրոնի մասնագետների հետ, որպես բժիշկ լավ տարբերակ է համարել նկարչության և հոգեբանության համատեղումը։
Իսկ ավազի վրա նկարելը, նա հավաստիացնում է, որ դժվար չէ, և նույնիսկ այն մարդը, ով նախկինում չգիտեր նկարել, հեշտությամբ կսովորի նկարել ավազի վրա։ Քանի որ ավազը շարժողական նյութ է, ապա կարելի է իրար հետևից ստանալ տարբեր պատկերներ։ Իսկ այցելուների նկարածները ցուցադրվելու են։
Կենտրոնը նախատեսում է նաև անցակացնել ավազով շոու-ծրագրեր` պատվերով, ինչը լայն տարածում ունի արտերկրում. լուսային էֆեկտների միջոցով տեսախցիկը նկարահանելու և ցուցադրելու է ավազի սեղանի վրա միմյանց հաջորդող տարբեր պատկերներ։
Կենտրոնի պաշտոնական բացումը լինելու է հոկտեմբերի 2-ին։
Hetq.am