2000 թվականի համեմատ Հայաստանում անպտղության մակարդակը նվազել է 2,5 անգամ: Լրագրողների հետ հանդիպման ժամանակ հայտնեց ՀՀ առողջապահության նախարարության մայրական և վերարտադրողական առողջության պահպանման բաժնի պետ Գայանե Ավագյանը:
Նրա խոսքերով իրենք ավելի շատ աշխատում են երկրորդային անպտղության ցուցանիշը նվազեցնելու ուղղությամբ: Նա բացատրեց, որ երկրորդային անպտղությունը, երբ կինը ունեցել է հղիություն և հետո կորցրել է հղիանալու հնարավորությունը, ինչը որոշակի ձեռքբերովի պատճառներով է պայմանավորված` աբորտներ, կենսակերպի խանգարումներ, սեռավարակներ և այլն:
«Հայաստանում գործում է «Արագիլ» ծրագիրը, որով անպտուղ ամուսանական զույգերը հնարավորություն են ստանում օգտվել վերարտադրողական օժանդակ տեխնոլոգիաներից»,-նշեց ՀՀ առողջապահության նախարարության մայրական և վերարտադրողական առողջության պահպանման բաժնի պետը՝ ավելացնելով ամեն տարի այս միջոցառումների շնորհիվ ծնվում է 1000 երեխա:
Աղբյուր` Panorama.am