Կարո՞ղ է կատուն յոթ գդալ մածնի փոխարեն յոթ նոտա ուզել։ Պատկերացրե՛ք, որ այո․ Արա Ալոյանի «Կատուն, որն ուզում էր կոմպոզիտոր դառնալ» չափածո պիեսի համանուն հերոսն էր հենց փափագում դա: Հեղինակը փոքրիկների համար գրել է մի հիասքանչ պատմություն և կերտել կերպարներ, որոնցից յուրաքանչյուրի միջոցով ուսուցանում է նորն ու բարին: Ստանում ենք գաղափար այն մասին, որ երազանքների հետևից գնալ անպայման պետք է, բայց և չմոռանալ գնահատել սեփական ուժերը:

Ընթերցելու դեպքում երեխան կատվի կողմից մեջբերվող խոսքերի միջոցով կսովորի չընկճվել ու ցանկացած քայլից, որ չստացվեց իր ուզածի պես, այլ օգուտ քաղել։ Ինչպես նաև, չմոռանալ մարդկանց, որոնք կողքիդ են եղել: Կատուն այն կերպարն էր, որ նույնիսկ իր բառերով օգնեց թոռնիկ Դանիելին թողնել ծույլիկի ուղին և լավ սովորել, սկսել օգնել տատիկին: Մյուս զարմանահրաշ դրվագների հետ փոքրիկին ծանոթացնելու համար հարկավոր է գնել նույնանուն գիրքն ու վայելել:

Բառախաղով, երաժշտական և բանաստեղծական յուրակերպ լուծումներով համեմված այդ սքանչելի պատմությունը բեմադրվել է Հայաստանի տարբեր կրթօջախներում և արտերկրում, տրվել տիկնիկային ներկայացման ու մյուզիքլ տարբերակներով:

Գիրքն արժե ընդամենը 2000 դրամ:           

Մեր սիրելի ընթերցողներին ցանկանում ենք տեղեկացնել, որ Արա Ալոյանը հեղինակ է նաև մեկ այլ՝ «Համանվագ ցավի և հարության» գրքի: Այն Արցախյան առաջին հաղթամարտի մասին է, պոեմներ կան` նվիրված Հայաստանի ու Արցախի պետական և մասնավոր կառույցներին, մշակութային հաստատություններին, բուհերին: Տվյալ աշխատանքը տրամադրվել է ավելի քան 30 հայաշատ գաղթօջախների: Գիրքը նույնիսկ երաշխավորվել է ԿԳՄՍ նախարարության կողմից որպես ուսումնաօժանդակ ձեռնարկ, արժանացվել խրախուսումների: Հեղինակի բնութագրմամբ` նպատակը մատաղ սերնդի ռազմահայրենասիրական ոգին արթուն պահելն է:

Արա Ալոյանի կրթական մոտիվներով այս գիրքը ևս արժե 2000 դրամ:   

Մենք կարող ենք փոքրիկ գումարի դիմաց ձեռք բերել օգտավետ գրքերն ու հարստացնել երեխաների գրադարանը:

Պատվիրելու համար զանգահարեք 094 621 401 հեռախոսահամարին:    

Խաղ 1 Անցյալը և ապագան

 

Տվեք ցանկացած առարկայի անվանում և հարցրեք երեխային՝ ի՞նչ է եղել այս առարկան իր անցյալում: Ապա սկսեք երևակայել՝ իսկ ի՞նչ կարող է այն դառնալ ապագայում: Սրա շնորհիվ փոքրիկը հասկանում է, թե որքան բարդ և երկար ճանապարհ են անցնում իրերը մինչև սովորական, բոլորիս հայտնի ձևը ստանալը: Այն պահին, երբ երեխան գործի է դնում երևակայությունը, մեծանում է որևէ նոր բան ստեղծելու կամ սովորականից անսովորի կերտման հավանականությունը:

«Իմ փոքրիկ»-ը խոսել է «Ժեստ» հոգեբանական կենտրոնի հոգեբան Լուսինե Գրիգորյանի հետ:

 

Վիրտուալ խաղը լավ «ընկեր» չէ

Երեխայի կյանքում օնլայն խաղերի առկայությունը հանգեցնում է վարքային փոփոխությունների, ուշադրության կենտրոնացման դժվարությունների: Երկար խաղալու դեպքում փոքրիկը կտրվում է իրականությունից, ստեղծում ուրույն աշխարհ, որն իր կանոններն է թելադրում նրան: Չի կարելի անտեսել, երբ երեխայի մոտ դրսևորվում են իրավիճակին ոչ համարժեք ագրեսիա, ինքնամփոփություն  և ցրվածություն: Ծնողի համար պետք է անհանգստացնող լինի այն փաստը, որ բալիկը ձեռքից վայր չի դնում հեռախոսը:

 

Կանխարգելման մեթոդը

Շատ հաճախ ծնողները փոքրիկին տալիս են հեռախոս, չեն վերահսկում, իսկ հետո սկսում են աշխատել հետևանքների վրա: Որևէ բան շտկելուց կամ հաղթահարելուց առաջ հարկավոր է մտածել կանխարգելման մասին: Պետք չէ արգելել ամեն ինչ կամ տալ ծայրահեղ ազատություն: Կարելի է սահմանել օրվա ընթացքում համացանցից օգտվելու թույլատրելի ժամանակահատված, որը չի  խախտվի երեխայի կողմից տարաբնույթ մանիպուլյացիաների կիրառման դեպքում: Անհրաժեշտ է ի սկզբանե սովորեցնել նրան տեխնոլոգիաներից, համացանցից օգտվելու կանոնները, յուրաքանչյուր անհանգստացնող խաղ վերլուծել նրա հետ: Նույնիսկ մեծահասակները խաղերի մասին այս կամ այն տեղեկատվությունն ընթերցելիս ու լսելիս խճճվում են, լարվում: Կարևոր է, որ նրանք կարողանան  ներկայացնել տվյալ խաղի լրջությունն առանց ավելորդ տագնապների: Դա կօգնի, որ երեխան գիտակցաբար չցանկանա խաղալ, ոչ թե ծնողից վախենալու պատճառով:

 

Դեռահասի հետ մի փոքր բարդ է, սակայն անհնարին չէ

Հատկապես դեռահասության շրջանում սեռահասունացմանն ու ֆիզիոլոգիական փոփոխություններին զուգընթաց երեխայի մոտ առաջանում է էներգիան սպառելու, պահանջմունքները բավարարելու անհրաժեշություն: Այդ տարիքում տղաներին բնորոշ են բակային կոնֆլիկտները, հակումը դեպի սպորտ, քանի որ կարիք ունեն հաղթելու և ինքնահաստատվելու: Նման միջոց է դառնում նաև խաղը: Պարզապես այդտեղ հաղթելու հավանականությունն ավելի մեծ է, քան իրական կյանքում:

Եթե բալիկը վստահի ծնողին, ապա, անկասկած, ցանկացած արգելված խաղ կամ հետաքրքրություն կփորձի կիսել նրա հետ: Զրույցի միջոցով ծնողը երեխային կարող է ասել, որ հասկանում է նրա մենակ մնալու ցանկությունը, մեկուսացումը, ագրեսիան: Դեռահասը պետք է իմանա, որ հայրիկն ու մայրիկը ցանկացած պարագայում իր կողքին են, ոչ թե քննադատ են ու պատժող: Երբ հարցն առնչվում է փոքրիկի անվտանգությանը, հարկավոր է հիշել՝ նա անվտանգ է զգում «իր հետ քայլող», հասկացող ծնողի կողքին: Ճանաչե՛ք ձեր երեխաներին, նրանց պահանջմունքները, որպեսզի նրանք չփորձեն դրանք բավարարել վիրտուալ տիրույթում:

 

Հեղինակ՝ Լուիզա Աբրահամյան

Տեխնոլոգիական այս դարում ծնողների մեծ մասը փոքրիկի լուսանկարները, չարաճճիանալու տեսանյութերը կամ էլ երեխային առնչվող գրառումները պահում է համակարգչում և հեռախոսում: Իսկ եթե մի օր խնդիրներ առաջանան դրանց հետ և չկարողանաք վերադարձնել ձեզ համար այդքա՜ն արժեքավորը։

Նախորդ տարվանից համաճարակի պատճառով կյանքը մեծամասամբ տեղափոխվեց առցանց միջավայր։ Ծնողները սկսեցին աշխատել տնից, դպրոցների և բուհերի դասերը հեռավար էին կազմակերպվում, և երեխաները, ըստ էության, ավելի շատ սկսեցին ինքնուրույն օգտվել թվային սարքերից՝ շատ հաճախ դուրս մնալով ծնողների ուշադրությունից։

Նյութի առաջին մասը կարող եք կարդալ այստեղ։

«Ժեստ» հոգեբանական կենտրոնի հոգեբան Անի Ապիտոնյանը ներկայացնում է մի քանի խաղ, որոնք կապահովեն ժամանց, չեն պահանջի գումար, կնպաստեն երեխայի զարգացմանն ու  ծնող-երեխա հարաբերությունների լավացմանը: 

Այլ հոդվածներ …

Գովազդ