Շնորհավոր Ամանոր և Սուրբ ծնունդ. Իմ փոքրիկ

2013-ն էլ աննկատ մոտեցավ ավարտին: Ժամանակն է ամփոփելու տարին և նոր ծրագրերով դիմավորելու 2014-ը:

Անցնող տարում «Իմ փոքրիկ»-ը  գործարկեց  «Հարց գինեկոլոգին» և «Հարց հոգեբանին» բաժինները, ինչպես նաև «Օվուլյացիոն օրացույց» հավելվածը, որը հնարավորություն է տալիս  հաշվարկել բեղմնավորման համար նպաստավոր օրերը:  2013-ի սկզբին  գործարկեցինք «Փոքրիկիս հայրիկը»-ը բաժինը, որտեղ  անդրադառնում ենք հայրիկներին հուզող հարցերին:

Անցնող տարում «Իմ փոքրիկ»-ը հանդես եկավ երկու ասուլիսներով, որտեղ «Իմ փոքրիկ» թիմը և մեզ հետ

համագործակցող մասնագետներն  անդրադարձան տվյալ պահին ծնողներին առավել շատ հուզող հարցերին: Կազմակերպվեց նաև հանդիպում հոգեբան Անուշ Ալեքսանյանի հետ, որտեղ ծնողները դեմ առ դեմ իրենց հարցերն ուղղեցին հոգեբանին ու ստացան սպառիչ պատասխաններ:

Այս տարում մեր լսարանին ներկայացանք բրենդային արտադրանքով, որը մեծ պահանջարկ ունեցավ:

«Իմ փոքրիկ»-ը մասնակցեց նաև «Մանկության աշխարհ էքսպո 2013»-ին` հանրությանը ներկայացնելով www.impoqrik.am կայքը և գործունեության ողջ ասպեկտը:

Նաև շարունակեցինք մեր ընթերցողներին ներկայացնել որակյալ նյութեր ու մասնագետների խորհուրդները   կնոջ և տղամարդու վերարտադրողական  առողջության և մինչև  6 տարեկան երեխաների խնամքի, դաստիարակության ու առողջության մասին:

Սիրելի ընթերցողներ, «Իմ փոքրիկ»-ը շնորհավորում է ձեր Ամանորը և Սուրբ ծնունդը, մաղթում, որ գալիք տարում ունենաք բազմաթիվ հաջողություններ և չունենաք խնդիրներ: Ամենակարևորը, մաղթում ենք, որ ամեն առավոտյան տեսնեք Ձեր փոքրիկների անհոգ ու երջանիկ ժպիտը, թող ձեր տունը լեցուն լինի մանկական խինդ ու ծիծաղով:

Իսկ մենք աշխատանքային առօրյային կվերադառնանք հունվարի 12-ից: Սպասեք մեզ:

«Իմ փոքրիկ»-ը 2014-ին ևս կշարունակի իր հավատարիմ ընթերցողներին մատուցել որակյալ ինֆորմացիա: Հաջորդ տարում մենք նաև կներկայանանք բոլորովին նոր ծրագրերով ու գաղափարներով: Փակագծերը, սակայն, չբացենք: Սպասեք «Իմ փոքրիկ»-ին` նոր շնչով ու մատուցմամբ:

Մանկական հավատարմությամբ` Իմ փոքրիկ