Ի՞նչ ատամի մածուկ և խոզանակ ընտրել փոքրիկի համար

Ատամի խոզանակը պետք է ընտրել` ըստ տարիքի և պետք է փոխել 3 ամիսը մեկ անգամ:

Ի՞նչ ատամի մածուկ ընտրել:

Մինչև 3 տարեկան երեխաների համար պետք է ընտրել մածուկ, որը չի պարունակում ֆտոր: 3 տարեկանից սկսած` նախապատվությունը տալ ֆտոր պարունակող մածուկներին: Ատամների լվացման ընթացքը հաճելի դարձնելու համար ցանկալի է ընտրել համային հավելումներով ատամի մածուկներ:

Ի՞նչ անել` փոքրիկին քաղցրից չզրկելու, բայց միաժամանակ առողջ ատամները պահպանելու համար:

Ցանկալի է, որ երեխան չափավոր ընդունի քաղցր, այն էլ ուտելուց անմիջապես հետո, այլ ոչ՝ երկու հիմնական սննդի ընդունման միջև ընկած հատվածում: Պետք է նախապատվությունը տալ կոշտ սննդին (միրգ, բանջարեղեն) և խուսափել փափուկ սննդից, իսկ հյութ խմելուց անմիջապես հետո ողողել բերանը:

Ի՞նչ խորհուրդներ կտաք` առողջ ատամներ ունենալու համար:

Առողջ ատամներ ունենալու համար նախևառաջ պետք է հետևել բերանի խոռոչի հիգիենային: Պետք է օգտագործել վիտամիններով և հանքային նյութերով հարուստ սնունդ:

Որո՞նք են հակացուցումները: 

Վնասակար սովորությունների բացառում` ծծակի օգտագործում 1.5 տարեկանից հետո, քաղցր ըմպելիքի օգտագործում քնելուց առաջ և այլն: