Ի՞նչ պետք է իմանալ երեխայի մազերն առաջին անգամ կտրելուց կամ սափրելուց առաջ

Համարվում է, որ այս դեպքում երեխայի մազերը ամրանում են ու դառնում  ավելի խիտ։ Բայց այս կարծիքի հիմքում գիտական որևէ ապացույց չկա։ Ավելին՝ երեխայի մազերի որակը պայմանավորված է ժառանգական գործոնով, իսկ այս տարիքում նրա մազերը սափրելը ոչ միայն վնասում է գլխի նուրբ մաշկը, այլև փոքրիկի մոտ առաջացնում է սթրես։

Սափրելու արդյունքնում երեխայի մազերի գույնը չի փոխվում։

Երեխայի մազերի գույնը առավել հաճախ փոխվում է նրա տարիքի հետ։ Որպես կանոն՝ մազերն աստիճանաբար մգանում են։ Բայց երեխայի մազերի գույնի փոփոխությունը ամենևին կապված չէ մազերը կտրելու կամ սափրելու հետ։

Ինչպե ՞ ս ճիշտ սափրել երեխայի մազերն առանց գլխամաշկը վնասելու։

Այնուամենայնիվ, եթե որոշել եք առաջին անգամ սափրել երեխայի մազերը, ապա դա պետք է անել շատ ուշադիր ու նուրբ։ Ընտրեք հնարավորինս հարմար ու անվտանգ ածելի, անպայման օգտագործեք սափրման համար նախատեսված գել։ Հիմա առավել տարածված են սափրելու համար նախատեսված սարքերը:  

Սափրած գլխամաշկն անպայման պետք է պաշտպանել արևից։

Եթե սափրել եք երեխայի մազերը, ապա անպայման գլխամաշկը պետք է պաշտպանել արևի ուղիղ ճառագայթներից։ Երեխայի գլխամաշկին քսեք պաշտպանող  միջոցներ ու հետևեք, որ նա կրի գլխարկ։

Երեխայի մազերը պետք է խնամել ծննդյան օրից սկսած։

Քանի որ գլխամաշկի վրա շատ կան քրտնագեղձեր, դրանք ակտիվորեն գործում են նույնիսկ այն ժամանակ, երբ երեխան ակտիվ կյանք չի վարում։ Դրա համար փոքրիկին պետք է ամեն օր լողացնել և մերսել նրա գլուխը։ Մանկանակ շամպունների ու գելերի օգտագործումը ցանկալի է, բայց ոչ պարտադիր։ Իսկ մազերը պետք է սանրել փափուկ ատամիկներով սանրով կամ հատուկ խոզանակով։

Աղբյուրը՝ mama.ru