Ձեր փոքրիկը կամակոր է ու չգիտեք, թե ինչպես պայքարեք նրա կամակորությունների դեմ: Ձեզ կօգնեն հոգեբան Մարիամ Սահակյանի խորհուրդները.
- Պարզել կամակորության պատճառը և հնարավորինս վերացնել այն:
Հետաքրքիր զբաղմունք առաջարկել երեխային:
Հաճախ գովաբանել երեխային ոչ այնքան վերջնական արդյունքի համար, որքան նրա ջանքերի:
Միանգամից պարգևատրել երեխային ցանկալի վարքագծի և պատժել վատի համար:
Երեխաներին պատմեք ձեր զգացմունքների մասին, որոնք առաջանում են նրանց կամակորության հետևանքով և ընդգծեք, որ դուք նրանց սիրում եք անկախ ամեն ինչից, սակայն տվյալ վարքագիծը ձեզ դուր չի գալիս:
Կարելի է դերերով փոխվել երեխայի հետ, որպեսզի և ծնողը և երեխան հասկանան դիմացինի վարքի դրդապատճառները:
Փոխել դիմելաձևը. հրամանի կամ արգելքի փոխարեն խնդրել երեխային ինչ – որ բան անել:
Պնդել, որպեսզի երեխան ենթարկվի մեծին, սակայն դա անել խիստ անհրաժեշտության դեպքում միայն, այլ ոչ թե ամեն առիթի դեպքում:
Խորհրդակցել հոգեբանի հետ:
Բացատրել երեխային նրանից պահանջվող վարքի իմաստը:
Հանգիստ մթնոլորտում /հաճախ քնելուց առաջ/ երեխային պատմել պատմվածք մի տղայի կամ աղջկա մասին,որը նեղացրել էր իր ծնողներին:
Մշակել պարգևներ, որոնք փոքրիկը կստանա լավ վարքի դեպքում, օրինակ աստղիկներ:
Երեխային ինքնաարտահայտվելու հնարավորություն տալ:
Երեխայի հետ շփմանն ավելի շատ ժամանակ հատկացնել:
Բարդ հանձնարարությունները խաղի վերածել:
Խորհուրդները ներկայացրեց հոգեբան-մանկավարժ Մարիամ Սահակյանը:
Կարդացեք նաև`
Ինչու և ինչպես է փոքրիկը կամակոր դառնում
