Վիտամինային շիլա բրնձով, սմբուկով եւ ծաղկակաղամբով

Ծաղկակաղամբի մեջ կան այնպիսի հանքանյութեր, ինչպիսիք են կալցիումը, մագնեզիումը, ֆոսֆորը, կալիումը և մանգանը: Այս բանջարեղենը հիանալի հակաօքսիդանտ է, նպաստում է արյան կանոնավոր շրջանառությանն ու նյարդային համակարգի ճիշտ աշխատանքին, նվազեցնում է խոլիստերինը: Ի դեպ, խոլիստերինը նվազեցնում է նաեւ սմբուկը, որը նույնպես պետք է ներառել այս շիլայում:

Ինչ է պետք.

• Բրինձ
• Սմբուկ
• Գազար
• Եգիպտացորեն
• Ծաղկակաղամբ
• Պղպեղ
• Մաղադանոս

Ինչպես պատրաստել.

Կաթսայի մեջ մի քիչ ձեթ լցնել եւ դնել կրակի վրա: Ավելացնել բրինձն ու քառակուսաձեւ կտրատված սմբուկը եւ խառնել: Մեկ րոպեից ավելացնել մանրացված ծաղկակաղամբը, գազարը, եգիպտացորենը եւ շարունակել խառնել: Այնուհետեւ ավելացնել եռացրած ջուր, աղ ու խառնել այնքան, որ կաթսայի հատակին չկպչեն եւ փակել կափարիչը: Երբ գուրը կգոլորշանա, բանջարեղենն էլ կեփվի, ավելացրեք կտրատած պղպեղը, մաղադանոսն ու ձեթը:

Բարի ախորժակ