Ավելի վաղ հասակի մասին տես այստեղ
Մինչև տասներկու ամսական հասակը երեխան պետք է կարողանա
- Նստել առանց հենվելու,
- Սողալ ձեռքերի և ծնկների վրա, փորձել կանգնել և քայլեր անել` ինչ-որ բանից բռնվելով,
- Փորձել կրկնօրինակել բառերը և ձայները, արձագանքել պարզ խնդրանքների,
- Հաճույք ստանալ խաղալուց և ծափ տալուց
- Կրկնել ձայներ և շարժումներ` ուշադրություն գրավելու համար,
- Վերցնել առարկաներ բթամատի և մեկ այլ մատի օգնությամբ,
- Ձեռքում պահել այնպիսի առարկաներ, ինչպիսիք են գդալը կամ բաժակը և փորձել ուտել ինքնուրույն:
Խորհուրդներ ծնողներին և խնամողներին
- Ցույց տվեք առարկաները և տվեք դրանց անունները, հաճախ խոսեք և խաղացեք երեխայի հետ:
- Ճաշի ժամանակն օգտագործեք խրախուսելու երեխայի փոխհարաբերություններն ընտանիքի բոլոր անդամների հետ:
- Եթե երեխան դանդաղ է զարգանում կամ ֆիզիկական հաշմանդամություն ունի, փորձեք կենտրոնանալ նրա կարողությունների վրա և տվեք լրացուցիչ դրական ազդակներ:
- Երկար ժամանակ երեխային մի թողեք նույն դիրքով:
- Երեխայի շրջապատը հնարավորինս ապահով դարձրեք` դժբախտ դեպքերից խուսափելու համար:
- Շարունակեք կրծքով կերակրել և հետևեք, որ երեխան բավականաչափ սնունդ ստանա, ինչպես նաև օգտվի ընտանիքի սովորական կերակուրներից:
- Երեխայի օգնեք գդալով և բաժակով ուտելու փորձեր անել:
- Ապահովեք երեխայի համար անհրաժեշտ պատվաստումները և սննդի միկրոտարրերի առաջարկվող չափաբաժինները:
Անհանգստացնող նշաններ
- Երեխան չի արձագանքում ձայներին,
- Չի նայում շարժվող առարկաներին,
- Անտարբեր է իրեն խնամողի նկատմամբ և չի արձագանքում նրան,
- Ախորժակ չունի կամ հրաժարվում է ուտելուց:
Շարունակելի
