Հանելուկներ

Մի նյութ գիտեմ՝ կարծր ու ամուր,

Տաքացնելիս՝ դառնում է ջուր:     

Իմ խելամիտ, ժիր բարեկամ,

Ի՞նչ կանվանես արդյոք նրան,

Մեկիկ-մեկիկ

Հավաքվեցին,

Տատի գոգը

Դատարկեցին:

Ամբողջ օրը քուն չունի,

Լայն դաշտերում տուն չունի,

Ծաղկից ծաղիկ է թռչում,

Փեթակ ունի, բուն չունի:

Թփից կախվել

Երկար, բարակ,

Կանաչ կեղև,

Պատիճը փակ:

Մարդուն մոտիկ ու մտերիմ՝

Կենդանի է հավատարիմ,

Հսկում է նա փողոց ու բակ,

Չի ընդունում ոչ մի կաշառք:

                                        /Շուն/

***

Իրեն մենակ թաղեցինք,

Ճտերի հետ հանեցինք:

***

Ունի երկու խողովակ,

Ամեն մեկն ունի ակ,

Խողովակից թե նայես՝

Ողջ աշխարհն է ոտքիդ տակ: