Հանելուկներ

Ծնվում է ու մեծանում,
Հենց նույն օրն էլ` մահանում,
Հետո նորից կյանք առած
Պայծառ շորեր է հագնում:

***

Զույգ անիվին թե հենվես՝

Չի շարժվում, չի շտապում,

Բայց երբ ոտքով պտտես՝

Քեզնից արագ է վազում:

Հանելուկները մարզում են փոքրիկի ուղեղը, զարգացնում մտածելու կարողությունն ու հիշողությունը։

 Քեզ տանում է վեր ու վար՝ 

Ինչպես հմուտ նավավար, 

Թե իր կոճակը սեղմես, 

Քեզ դարձնում է նա ... ավար: 

Գլխարկը` կապույտ,

Շապիկը` կանաչ,

Մի փոքրիկ ծաղիկ

Ամենքիս ճանաչ:

Մի օձ կա մեծ, գույնը կապույտ,
Հա գնում է պտույտ-պտույտ,

Նրանով են սնվում անվերջ
Ծառ ու ծաղիկ, խոտ ու առվույտ:

Գալիս է փաթիլ-փաթիլ`

ուրախ, պարելով,

Գնում է կաթիլ-կաթիլ`

արցունք թափելով:

Կա մի կենդանի`

Գլխին հսկա ծառ,

Կտրում, անցնում է

Դաշտ, անտառ ու սար: