Կաթնաշոռով փքաբլիթներ. համեղ նախաճաշ

· Կալորեականություն՝ 303 կկալ

· Սպիտակուցներ՝ 19,4 գրամ

· Ճարպեր՝ 8,4 գրամ

· Ածխաջրեր՝ 37,4 գրամ

Անհրաժեշտ է.

Կաթնաշոռ – 250 գրամ

Ձու – 3 հատ

Ցորենի ալյուր – 8 ճաշի գդալ

Շաքարավազ – 3 ճաշի գդալ

Աղ - ½ թեյ գդալ

Ձիթապտղի ձեթ – ցանկության դեպքում

Սոդա - ½ թեյ գդալ

Շաքարի փոշի - ցանկության դեպքում

 Պատրաստման եղանակը.

• Չոր տարայի մեջ լցնել կաթնաշոռը, ձուն, ալյուրը, շաքարավազը, սոդան և աղը: Փայտե գդալով այս ամենը դանդաղ խառնել մինչև ստացվի միասեռ զանգված:

•  Կաթսայի մեջ լցնել ձիթապտղի ձեթ այնքան, որ ծածկի փքաբլիթի կեսը: Թողնել ձեթը եռա:
•  Գդալի օգնությամբ կամ ձեռքով խմորից պատրաստել ոչ մեծ գնդեր: Որպեսզի խմորը ձեռքերին  չկպչի, ձեռքերին մի փոքր ալյուր քսեք:

• Պատրաստի գնդերը գցեք եռացող ձեթի մեջ և տապակեք: Անընդհատ շրջեք, որպեսզի խմորը հավասարաչափ եփի:

• Պատրաստի փքաբլիթները հանել կաթսայից, դնել թղթի կամ անձեռոցիկի վրա, որպեսզի ձեթը քամվի: Այնուհետև փքաբլիթները շարեք գեղեցիկ ափսեի մեջ ու վրան շաքարի փոշի ցանեք:

Բարի ախորժակ