Մանկական խաղահրապարակներ: Հետևում ենք անվտանգության կանոններին

Ծնողներից շատերը գերադասում եմ զերծ պահել փոքրիկին նմանատիպ խաղահրապարակներից, մինչդեռ ոմանք էլ նախընտրում են, որ փոքրիկը շփում ունենա հասակակիցների հետ և ոչ մի վտանգ չեն տեսնում նման խաղահրապարակներում: Թե նրանցից որ մեկն է ճիշտ կամ  սխալ, դժվար է ասել,  սակայն մենք կփորձենք հստակեցնել`

• Մանկական խաղահրապարակներ բակում: Սա մի միջավայր է, որը մեծ դեր է խաղում փոքրիկի ինտելեկտուալ  զարգացման  և սոցիալականացման մեջ: Անկախ նրանից, թե ինչպիսի որակյալ մանկապարտեզ է հաճախում Ձեր փոքրիկը, միայն հասակակիցների հետ ազատ շփման շնորհիվ է, որ նա կսովորի ապրել հասարակության մեջ: Նա ստանում է հիանալի ֆիզիկական, հոգեբանական և սոցիալական զարգացում: Հասկանալի, որ այնտեղ նա ֆրանսերեն կամ մայրենի լեզվի քերականություն չի սովորի,  սակայն կկարողանա հասակակիցներից վերցնել  բավականին օգտագար բաներ, որոնք անհրաժեշտ են նրա տարիքին: Իհարկե, գուցե Ձեր աչքերով նրա ամենախորը փորած փոսը ոչինչ է, իսկ նրա համար դա մեծ ապացույց է, որ նա կարող է ամեն ինչ:

Անվտանգությունը խաղահրապարակում: Սա թերևս գլխավոր հարցն է, որը պետք է անհանգստացնի ծնողներին:

• Ավազուտ` սա  ոչ միայն ավազից հեքիաթային տաճարներ պատրաստելու վայր է, այլ նաև ապակյա ջարդված տարաների, ճիճուների, ներարկիչների, փոշու, վտանգավոր միջատների համար տարածք, որոնց ձգում է ավազում առկա խոնավությունը: Ավազի մեջ խաղը կարող է վտանգավոր լինել` 10-ից  7 ավազուտում անպայման կլինեն ճիճուների ձվեր: Ընդ որում, սովորաբար ավազուտներում ավազը պարբերաբար  չեն փոխում նորով: Ի՟նչպես վարվել: Պատասխանը մեկն է`  երբեք թույլ չտալ, որ փոքրիկն  ավազը տանի դեպի բերան: Շատ ծնողներ այս իրավիճակից դուրս են գալիս բավականին յուրահատուկ տարբերակով` երեխային փայտիկով կոնֆետ են տալիս, որը երկար զբաղեցնում է նրան և  երեխան այդ ընթացքում ձեռքը չի տանում դեպի բերանը: Եթե կա հնարավորություն, ապա շաբաթը մեկ անգամ ավազի վրա եռացրած ջուր լցրեք` բարձր ջերմաստիճանը կոչնչացնի ճիճուներին: Օգտակար է թաց անձեռոցիկով փոքրիկի թաթիկները մաքրելը: Այլ ծնողների հետ ինքներդ մաքրեք ավազը տեսանելի աղբից: Ուշադիր զննեք ավազը, եթե դրանում չափից շատ կավ կա, ապա դա խոսում է այն մասին, որ դրանում շատ են ծանր մետաղները: Այդ պարագայում հարկ կլինի փոխել ամբողջ ավազը:

• Ճոճարաններ`  փոքրիկների սիրած զբաղմունքը, որը կարող է վնասվածքների  և անգամ ճնշման բարձրացման պատճառ դառնալ:  Խաղահրապարակում բոլոր ճոճարանները նախատեսված են փոքրիկի համապատասխան ծանրությունը պահելու համար և սովորաբար լինում են պարանից կամ մետաղյա շղթայից կախված: Այն ճոճարանները, որոնք կախված են մետաղյա շղթայից, կարող են  վտանգավոր լինել և մոտակայքում  գտնվող փոքրիկների համար,  և հենց այն փոքրիկի համար, որը գտնվում է դրա վրա: Նախքան նման ճոճարանի վրա փոքրիկին նստեցնելը փորձարկեք այն` ինքներդ նստեք դրա վրա և համոզվեք, որ այն պահում է Ձեր քաշը: Դուք կարող եք չնկատել, որ մետաղյա շղթան ժանգոտված է և կախված է «մազի վրա»  կամ պարանն  արդեն մաշվել է և կարող է կատարվել անխուսափելի դեպք: Եթե Դուք փոքրիկին թույլ չեք տալիս ճոճվել ճոճանակի վրա, սակայն գտնվում եք մոտակայքում, ապա ցուցումներ արեք փոքրիկին, թե ինչ սահմաններ նա չպետք է անցի խաղալիս, որպեսզի  հարված չստանա: Մինչև 10 տարեկան երեխաններին չի թույլատրվում 10 րոպեից ավել ճոճվել, քանի որ դա  կարող է  ծովային հիվանդություն առաջացնել:

• Կարուսելներ` փոքրիկներին գրավող  ևս մեկ գործիք` լի վնասվածքներով, գլխի հարվածներով և կոտրվածքներով: Կարուսելների հետ պետք է զգույշ լինել:  Ներշնչեք փոքրիկին, որ կարուսելը հանկարծակի  կարող է կանգ առնել և նա ցած կընկնի, եթե ձեռքերով ամուր բռնված չլինի: Սովորեցրեք, որ չի կարելի ցատկոտել կարուսելում, և կարելի է կանգնել ու ցած իջնել միայն այն ժամանակ, երբ կարուսելը կանգնած է:

• Տնակ կամ ծածկապատշգամբ խաղահրապարակում` ցավոք նմանատիպ գեղեցիկ կառույցները կարող են ծառայել հեպատիտի, սպիդի կամ նմանատիպ հիվանդությունների տարածման աղբյուր: Բանն այն է,  որ գիշերը նմանատիպ ծածկոցները կարող են ծառայել  հասարակության համար ոչ այդքան պիտանի մարդկանց համար հավաքատեղի, որտեղ օգտագործվում են թմրանյութեր և այլն :Նախքան փոքրիկի այնտեղ մուտք գործելն  անհրաժեշտ է զննել և հեռացնել ավելորդ կեղտերը և անպայման խաղից հետո լվանալ փոքրիկի թաթիկները:

• Փոսեր, հորաններ, շինհրապարակներ. նմանատիպ  երևույթներ, ինչպիսին են բաց հորանները  կամ չծածկված  փոսերը,  կարելի է հաճախ հանդիպել խաղահրապարակների մոտակայքում: Դրանք մագնիսի պես քաշում են փոքրիկներին` զննելու և անգամ իջնելու ցած: Մի թուլատրեք անգամ մոտենալ նման վայրերի, քանի որ փոսերի եզրերը կարող են սղլիկ լինել, և փոքրիկն  արագ կարող է հայտնվել դրանց մեջ:   Այդպես է նաև շինհրապարակների դեպքում: Փոքրիկները պաշտում են զննել նմանատիպ վայրերը, խաղում եմ պահմտոցի, սակայն  չէ որ  նմանատիպ վայրերում ամենուրեք  մեխեր են , կոտրված ապակիներ, սուր անկյուն ունեցող  թափոններ և այլն:

Խաղահրապարակներ տան բակում` եթե բոլոր վերը նշվածները կան Ձեր մոտակա խաղահրապարակում, ապա անհապաղ ծնողական խորհուրդ հավաքեք և մի սպասեք թաղապետարանի  գործողություններին , այլ  ինքներդ միջոցներ ձեռնարկեք` վերանորոգեք  կարուսելները, մաքրեք ավազը և, ամենակարևորը,  ցանկապատեք այն, որպեսզի  գիշերներն այլ մարդիկ   մուտք չունենան խաղահրապարակ: Իսկ բանալիներ կարող են ունենալ  այն ընտանիքները, որոնց փոքրիկները պետք է խաղան այնտեղ: