Վարդավառ․ ուր կարելի է տանել երեխաներին տոնին մասնակցելու համար

Հայոց ավանդական տոնակարգում Վարդավառն ամառային ամենամեծ տոնն է` եկեղեցու հինգ տաղավար տոներից: Նախաքրիստոնեական շրջանից այն հայտնի է որպես վարդամատն Աստղիկ դիցուհու տոն, Հայ առաքելական եկեղեցին այն տոնում է` որպես Քրիստոսի պայծառակերպության օր: Ըստ եկեղեցական տոնացույցի`  Վարդավառը նշվում է Զատիկից 98 օր հետո, կիրակի օրը՝ հունիսի 28-ից օգոստոսի 1-ն ընկած ժամանակահատվածում։ Այս տարի այն նշվելու է հուլիսի 27-ին։

Բոլոր տարիքային խմբերի մարդկանց համար Վարդավառը սիրելի տոն է, սակայն երբ խոսքը փոքրիկների մասին է, կարևոր է ապահովել նրանց անվտանգությունն ու ուրախ ժամանցը՝ համապատասխան միջավայրում։

Որտե՞ղ կարելի է տանել փոքրիկներին Վարդավառի օրը

Երևան

1. Հաղթանակի զբոսայգի 
Տոնը տարիներ շարունակ մեծ խանդավառությամբ նշվում է այստեղ։ Զբոսայգում կազմակերպվում են ջրային խաղեր, փուչիկներով ու  խաղային գոտիներ, երաժշտական շոուներ ու մանկական մուլտֆիլմերի հերոսների մասնակցությամբ անակնկալներ։

2. Երևան Պարկ Երևանի այգիները

Երևան Պարկը խոստանում է  կարիբյան ռիթմեր ու ջրային արկածներ:

Հուլիսի 27-ին` ժամը 12:00-ից, սպասվում է ուրախ ու արկածներով լի ժամանց` ջրային մարտեր, կարիբյան  ռիթմեր, DJ,  փրփուր փարթի, գրավիչ ֆոտոզոնա, խաղեր ու ֆլեշմոբներ:

3. Երևանի այգիները

Երևանում՝ Հանրապետության հրապարակում և այգիներում կազմակերպվում են միջոցառումներ՝ կենդանի երաժշտությամբ։

4․ Հատուկ միջոցառումներ Երևանի մանկական կենտրոններում 

Տարբեր մանկական կենտրոններ և խաղատներ հաճախ Վարդավառի օրը կազմակերպում են փակ տարածքներում անվտանգ ջրային միջոցառումներ՝ մինի լողավազաններ, փրփուր փարթիներ, փուչիկներ և մանկական երաժշտություն։

ՀՀ Մյուս քաղաքներում

• Սևան, Դիլիջան, Գյումրի, Վանաձոր – տարածքներ, որտեղ Վարդավառը նշվում է ավանդական ոգով՝ համերգներով ու տոնավաճառներով։
• Հատկապես Յուրահատուկ է նշվելու Վարդավառը Տավուշի մարզի Կողբ գյուղում՝ Կողբ-Վարդավառ փառատոնը, որի շրջանակներում տոնկան միջոցառումներ են նխատեսված հուլիսի 25-ին, 26-ին և 27-ին։ Օրակարգում՝

  - Բարձրակարգ կենդանի երաժշտություն. սիմֆոնիկ կինո և ռոք, Նեմրա, Գարիկ & Սոնա, այդ ամենը` Հայաստանի պետական սիմֆոնիկ նվագախմբի մասնակցությամբ

  - Խենթ պարեր՝ DJ-ների երաժշտության ներքո և աստղային երկնքի տակ

  - Էքսպո և գաստրո անկյուններ՝ հետաքրքիր ու համեղ բացահայտումներով

  - Վարպետաց դասեր՝ սովորելու և ստեղծագործելու հնարավորությամբ

  - Հանգստյան գոտիներ՝  արոմաթերապիայից մինչև շնչառական տեխնիկաներ

  - Արշավներ՝ բնության գրկում և վրանային գիշերակաց՝ բաց երկնքի տակ

  - Վարդավառյան ավանդական երգ ու պար

 Փոքրիկների համար հարմար միջոցառումներ Վարդավառի օրը

• Փրփուրային խաղեր՝ շատ խաղահրապարակներում իրականացվում են փրփուրների փառատոններ, որոնք ապահով ու զվարճալի են երեխաների համար։

• Մուլտհերոսների շոու՝ շատ կենտրոններ կամ բակային խմբեր հրավիրում են անիմատորներ։

• Ջրային նկարչություն՝ հատուկ գունավոր ջրերով նկարչություն, որը նպաստում է նաև երևակայության զարգացմանը։

• Փուչիկների և ջրային թիֆի գոտիներ՝ երեխաները կարող են մի քանի ժամ շարունակ անվտանգ ցողել միմյանց՝ առանց վնասի։

 Անվտանգության խորհուրդներ

• Օգտագործեք արևապաշտպան քսուք՝ հատկապես մինչև 6 տարեկան երեխաների մաշկը շատ նուրբ է։

• Հագցրեք թեթև, բայց պաշտպանիչ հագուստ՝ գլխարկ, արևապաշտպան ակնոց։

• Հեռու մնացեք մեծ բազմությունից, ընտրեք ավելի հանգիստ վայրեր փոքրիկների հետ։

• Հիշեք ջուր խմեցնել՝ տաք եղանակին փոքրիկները հեշտությամբ կարող են ջրազրկվել։

Վարդավառը հիանալի հնարավորություն է ընտանիքով ժամանակ անցկացնելու, զվարճանալու և հայ մշակույթին մասնակից դառնալու համար։ Անվտանգ միջավայրի ապահովմամբ և երեխաներին ուղղված հատուկ միջոցառումներով օրը կարող է վերածվել իրական տոնական հիշողության։